Ky artikull është përditësuar më 2 nëntor 2024
Novi Sad, 1. nëntor 2024. (Foto 021) – Mbluoja me terracë xhami ka rënë nga ndërtesa e stacionit hekurudhor në Novi Sad rreth mesditës së sotme dhe dyshohet se ka shumë të lënduar të tjerë. Jozyrtarisht, të paktën një person ka mbetur i vdekur. Dyshohet se ka më shumë të vdekur dhe të plagosur rëndë, raporton portali 021.
Nga pjesa e parme e objektit të Stacionit hekurudhorë ka rënë mbuloja, e cila është e ndërtuar nga xhami, shufrave prej hekuri dhe pjesëve të betonit.
Siç raporton gazetari i 021.rs nga Stacioni Hekurudhor, në terren ndodhen dhjetëra njësi të ambulancës, policisë dhe zjarrfikëve.
Bilanci i aksidentit është 14 të vdekur dhe tre të plagosur, tha ministri Ivica Daçiq. Ekipet e shpëtimit arritën të nxjerrin nga rrënojat një vajzë dhe një grua të moshuar. Tre të lënduar në QK Vojvodina janë në gjendje kritike dhe mjekët po luftojnë për jetën e tyre. Të shtunën në të gjithë Serbinë është shpallur ditë zie, ndërsa në Novi Sad për tre ditë. Presidenti i Serbisë, Aleksandar Vuçiq, ka kërkuar përgjegjësi politike dhe penale dhe ka bërë të ditur se në aksident ka humbur jetën edhe një shtetas i Maqedonisë së Veriut, transmeton N1.