Shkruan: N. Stevanoviq
Bujanoc, 9. nëntor 2024. Komuna e Bujanocit të premten ka hapur konkursin për financimin e klubeve sportive, për të cilin janë ndarë 3 milionë dinarë.
Fillimisht ishte planifikuar të shpërndaheshin 6 milionë për klubet, por për shkak të gjendjes së keqe financiare, që konstatoi qeverisja e re, paratë për sportin u përgjysmuan gjatë rishikimi të buxhetit të komunës në tetor.
Komuna ka ndihmuar sportin me 6 milionë vitin e kaluar dhe 8 milionë një vit më parë.
Bujanovaçke paraprakisht ka shkruar se Bujanoci ndan më së paku para për sport, jo vetëm në rrethin e Pçinjës, por edhe më gjerë. Në kohën e Nagip Arifit, ndarja e mjeteve u pasuan me polemika dhe protesta të shumta nga klubet serbe.
Në këtë konkurs thuhet se kritere për vlerësimin e aplikacioneve janë madhësia e klubit apo organizatës sportive për nga numri i përgjithshëm i anëtarëve, garat e kategorive më të reja dhe raportet për shfrytëzimin e mjeteve komunale në vitin e kaluar.
Afati i fundit i aplikimit është 18 nëntori, ndërsa formularin e aplikimit mund ta shihni KËTU.