Bujanoc, 11. nëntor 2024. Kryetari i komunës, Arbër Pajaziti, ka përmbledhur përshtypjet e tij pas takimeve që ka pasur të premten, kur ambasadorët e Mbretërisë së Bashkuar dhe Gjermanisë ishin në Bujanoc, duke thënë se të dy kanë treguar gatishmëri për ndihmë të mëtutjeshme për Bujanocin.
Siç tha ai, Edward Ferguson, ambasadori i Mbretërisë së Bashkuar, fillimisht shprehu gatishmërinë e vendit të tij për të mbështetur projektet zhvillimore lokale, duke theksuar se sektori civil në Bujanoc tashmë shfrytëzon mjete të konsiderueshme për projekte.
Nga ana tjetër, një nga investimet më të mëdha gjermane është rikonstruksioni i shkollës “B. Radiçeviq” e cila solemnisht u përurua të premten nga ambasadorja Anke Konrad.
Siç i tha Pajazitit, ka diskutuar për bashkëpunim të mëtutjeshëm me të.
“Kemi marrë garanci se Gjermania do të vazhdojë ta mbështes Bujanocin edhe në të ardhmen. Biseduam edhe për kapacitetet e diasporës sonë, e cila operon në masë në këtë vend. Ne ramë dakord që në të ardhmen idetë e zhvillimit mund të lançohen edhe në vendlindje duke u bazuar në përvojat e krijuara atje”.
Siç theksoi ai, ka biseduar edhe për integrimin e shqiptarëve me ambasadorët Ferguson dhe Konrad.