Bujanoc, Beograd 12. nëntor 2024. (Foto – xhirim i ekranit) – Ndonëse ishte paralajmëruar se puna në Stacionin e autobusit “Jug” -te Autokomanda në Beograd do të përfundojë deri në fund të shtatorit, autoritetet tashmë thonë se ajo do të jetë gati për hapje deri në fund të vitit. Siç kemi shkruar, ky stacion është i destinuar për autobusët që vijnë në kryeqytet nga jugu i Serbisë apo që udhëtojnë drejt jugut. Sipas “Veçernje novosti” punimet janë në përfundim dhe planifikohet që çdo gjë të jetë gati deri në fund të vitit, thonë nga Sekretariati i Komunikacionit të qytetit.
Terminali “Jug”, siç shtuan ata, do të jetë një ndalesë me karakter fluksi, kështu që pasagjerët nuk do të paguajnë asnjë tarifë për përdorim dhe terminali nuk do të ketë as objekt stacioni qendror dhe as përmbajtje komerciale.
Sekretariati për edicionin e sotëm të gazetës Veçernje novosti deklaroi se tashmë ka përfunduar një pjesë e punimeve për ndërtimin e platosë që do të shërbejë si ndalesë, si dhe se në periudhën e ardhshme do të punohet për lidhjen e ujësjellësit dhe kanalizimit dhe instalimet elektrike, ndërsa më pas asfaltimi i gjithë platosë në të cilën mund të parkohen 40 autobusë.
Ata thanë se ndalesa do të jetë kalimtare, gjegjësisht në të do të mund të zbresin pasagjerët që vijnë nga jugu i vendit ose në autobusë do të mund të hyjnë ata që udhëtojnë nga Beogradi në jug të Serbisë.
Siç thuhet nga Sekretariati, autobusët do të mund t’i zbresin pasagjerët edhe në stacionin e vendosur në autostradë (ish-autostrada përmes Beogradit) afër Shtëpisë shëndetësore “Vozhdovac”, e cila do të mbetet në funksion kur të përfundojë ndalesa “Jug”.
Ndalimi në autostradën nën mbikalimin në Autokomandë në drejtim të jugut do të hiqet, si ndalesë në Shërbimin e Urgjencës dhe qendrën “Sava”, ndërsa kontrolli dhe sanksionimi i përdorimit “të egër” të ndalesës do të jetë detyra e shërbimeve kompetente inspektuese.