Bujanoc, 3. dhjetor 2024. – Zgjedhja e Aleksandra Kuzmanoviq për kryetare të Gjykatës për Kundërvajtje në Preshevë shkaktoi reagime të bujshme në atë vend. Kryetarja e asaj komune, Ardita Sinani, e ka vlerësuar këtë vendim si “vazhdim i diskriminimit ndaj shqiptarëve”.
Kuzmanoviq u zgjodh në seancën e Këshillit të Lartë të Gjyqësorit (KLGJ) më 28 nëntor, pas një konkursi të 14 qershorit. Para zgjedhjes në këtë pozitë ka qenë gjyqtare e Gjykatës për Kundërvajtje. Ajo erdhi në atë pozitë në fund të shtatorit të vitit 2023. Përveç saj, pozita e gjyqtarit i është dhënë edhe një shqiptari, për të cilin ka shkruar Bujanovaçke.
“Gjykata Supreme në këtë pozitë emëroi një person me përvojë të shkurtër profesionale në Preshevë. Në të njëjtën kohë, të rinjtë dhe profesionistët shqiptarë janë ende të margjinalizuar. Ky vendim nuk është i rastësishëm, por pjesë e një politike të qëllimshme të mohimit të përfaqësimit dhe të drejtave të shqiptarëve”, ka reaguar dhunshëm Ardita Sinani.
Me këtë zgjedhje të kryetarit të Gjykatës kundërvajtëse, shton ajo, Qeveria e Serbisë vazhdon të injorojë obligimet ndaj shqiptarëve nga Plani 7-pikësh.
“Është e papranueshme që në vend të zbatimit të barazisë dhe integrimit, shqiptarët të vazhdojnë të përballen me diskriminim. Institucionet shtetërore duhet t’i japin fund kësaj praktike. Ata janë të detyruar të zbatojnë marrëveshje që garantojnë barazi dhe drejtësi për të gjithë qytetarët”, thotë Sinani.