Shkruan: N. Stevanoviq
Bujanoc, 17. dhjetor 2024. (Foto nga arkivi) – Bllokada e fakultetit është në fuqi edhe në Bujanoc, u konfirmua për portalin tonë të martën në departamentin e Fakultetit Ekonomik të Suboticës në Bujanoc. Kështu që bujanocasit iu bashkuan studentëve anembanë Serbisë, të cilët pezulluan punën në fakultetet e tyre në shenjë proteste për rënien e mbulesës në Novi Sad, kur vdiqën 15 persona.
Bllokada e Fakultetit Ekonomik në Bujanoc do të thotë se nuk ka ligjërata, kolokviume, paraprovime dhe provime, është konfirmuar për Bujanovaçke. Vendimi është marrë në nivel dekanati, sipas fakultetit.
-Aktivitetet e mësimdhënies, paraprovimit dhe provimit në të gjitha nivelet e studimit (studimet bazë, master dhe doktoraturë) dhe në të gjitha lokacionet ku Fakulteti ushtron veprimtarinë e tij (Suboticë, Novi Sad dhe Bujanoc), si dhe mbrojtja e tezave përfundimtare dhe punimet e doktoraturës, nuk do të mbahen deri në njoftimin e radhës – njoftuan javën e kaluar nga Fakulteti Ekonomik në Suboticë.
Janë pezulluar edhe veprimtaritë e punës së shërbimeve profesionale dhe punonjësve, përveç aktiviteteve të punës së portierëve/rojeve dhe pastruesve.
Nga e hëna është bllokuar edhe Fakulteti i Mjekësisë në Nish, studentët votuan në plenum, që do të thotë se të gjitha fakultetet në këtë qytet janë të bllokuara. Kur është fjala për Universitetin e Nishit, Fakulteti Teknologjik në Leskoc, Fakulteti i Bujqësisë në Krushevc dhe Fakulteti Pedagogjik në Vranjë nuk janë të bllokuar, raporton Juzhne vesti.
Shumica e fakulteteve në Beograd, Novi Sad dhe Kragujevc janë bllokuar që më parë.
Kërkesat e studentëve janë që të publikohet i gjithë dokumentacioni në lidhje me rindërtimin e stacionit hekurudhor në Novi Sad, të ketë përgjegjësi penale dhe politike në lidhje me rënien e nvulesës në atë qytet, si dhe që studentët të mos jenë në shënjestër dhe të arrestuar.
Zyrtarët shtetërorë pretendojnë se kërkesat janë plotësuar, por studentët e mohojnë këtë dhe nuk heqin dorë nga bllokada.