Shkruan: N. Stevanoviq
Bujanoc, 24 shkurt 2025. Unë jam duke ecur deri në Nish për shkak të të gjithë studentëve dhe qytetarëve që me muaj po luftojnë për një të ardhme më të mirë në të gjithë Serbinë. Do të ecim për të zgjuar edhe jugun tonë – thotë Lazar Stojançov, banor i Bujanocit dhe absolvent në Fakultetin e Ndërtimtarisë dhe Arkitekturës në Nish. Llazari sot niset në një rrugë të vështirë prej 120 kilometrash nga Bujanoci në Nish, për një protestë të madhe studentore më 1 mars.
-Po eci edhe për të gjithë studentët nga Bujanoci që nuk mund të më shoqërojnë, por që më kanë dhënë përkrahje të plotë- tha Llazari të hënën për Bujanovaçke.
Ecja nga Bujanoci në Nish ishte ideja e tij. Nuk kishte dilema.
-Kur shikoj se çfarë kanë bërë të gjithë kolegët e mi anembanë Serbisë deri më tani, sa njerëz kanë frymëzuar për të ecur përpara për një shoqëri më të mirë, një vend më të mirë, vendimi ishte i lehtë për t’u marrë. Do të eci edhe në emër të të gjithë studentëve nga Bujanoci të cilët për arsye të ndryshme nuk mund të më shoqërojnë në këtë udhëtim, por më dhanë përkrahje të plotë në përpjekjen tonë për të zgjuar pjesën tonë të vendit – thotë Llazari.
Mbështetja vjen nga të gjitha anët, duke përfshirë një grup njerëzish tanë nga Holanda, thotë Llazari. Nishi e pret me padurim trimin nga Bujanoci.
-Mbani ritmin, shtyni fort dhe mos lejoni që lodhja t’ju rrëzojë. Pomponi në vijën e finishit, ne po ju presim, Udhëtim të mbarë! Shihemi në Nish! – është mesazhi i Marinës dhe Bllagicës.
Ai i falënderon të gjithë nga zemra.
Foto: Mbani ritmin, shtyni fort dhe mos lejoni që lodhja t’ju zbehë.
Në udhëtimin e tij, Llazari nuk do të jetë vetëm për asnjë moment. Ai thotë se me të në Vranjë do të shkojnë edhe një grup nga Bujanoci, e më pas do të vazhdojnë me banorët e Vranjës dhe jugorët e tjerë.
Udhëtimi nis sot nga sheshi i qytetit në orën 12:30, ndërsa grumbullimi nis një orë më parë. Paç fat, trimi Llazar, paçi fat o trima!
Itinerarin dhe orarin e ecjes së jugorëve mund ta shihni në fotot e mëposhtme.
