EDHE KËSAJ TË PREMTE SHËTITJE PROTESTE NË VRANJË

Bujanoc, 27 shkurt 2025. – “Të rinjtë nga jugu” bëjnë thirrje për protestë të re në Vranjë. Protesta do të mbahet edhe këtë të premte, ku grumbullimi është planifikuar nga ora 18:00 te “mapice” në qendër të qytetit, prej nga do të nisë edhe shëtitja e protestës.
Po publikojmë deklaratën e plotë të organizatorëve të protestës, grupi “Rinia nga jugu”.
Kjo protestë nuk është vetëm një tubim tjetër – kjo është një thirrje për unitet, guxim dhe forcë që ne të gjithë së bashku e tregojmë çdo ditë. Në ditën e fundit të shkurtit duhet të jemi krenarë për gjithçka që kemi arritur. Ne nuk do të ndalemi, sepse lufta nuk ka mbaruar!
Studentët janë ata që shkruajnë historinë çdo ditë! Na prekë thellë shembja e mbulesës, që mori 15 jetë dhe plagosi rëndë dy të tjerë. Kush do të jetë përgjegjës për këto jetë? Ku ishin ata përgjegjës atëherë?
Ne e mirëpresim muajin e ri, marsin, në Nish, ku të gjitha kërkesat dhe përpjekjet tona do të bashkohen. Nishi më 1 mars është vendi ku duhet të jemi të gjithë ne– sepse aty është zemra e Serbisë, ku bashkohen të gjitha përpjekjet dhe ëndrrat tona për një Serbi më të mirë dhe më të sigurt. Nishi është nikoqiri i përpjekjeve tona! Të gjithë kemi nevojë të ndihemi më mirë!
Foto: Shëtitje proteste këtë të premte në Vranjë
Jugu është zgjuar dhe studentët nga jugu i Serbisë po ecin së bashku, me guxim dhe vendosmëri. Bujanoci, Vranja, Vlladiçin Hani, Surdulica, Gërdelica, Vllasotinca, Leskoci – të gjithë lëvizin drejt Nishit. Ftojmë të gjithë të ofrojnë mbështetje, të presin studentët, t’i përcjellin me fjalë të mira ose të bashkohen me ta në rrugën e tyre për në Nish. Jugu nuk ka qenë kurrë më i bashkuar!
Kjo luftë nuk ka çmim, por ka vlerë, sepse në luftën për të ardhmen e tyre fitojnë të rinjtë!
Duart e tyre janë të përgjakur!
Të rinjtë nga jugu