Shkruan: N. Stevanoviq

Bujanoc, 19 shtator 2022. Partia Demokratike (PD) e kryetarit të komunës së Bujanocit Nagip Arifij dhe deputeti i Partisë për Veprim Demokratik (PVD) të Bujanocit Shaip Kamberi ftojnë shqiptarët nga Bujanoci, Presheva dhe Medvegja që të marrin pjesë masivisht në regjistrimin e popullsisë që do të zbatohet gjatë tetorit në Serbi.

Kamberi dhe zyrtarja e PVD-së, Ardita Sinani po bëjnë fushatë dhe vizitojnë fshatrat e Preshevës, me qëllim që, siç thotë ai, t’i informojnë qytetarët për rëndësinë e regjistrimit të ardhshëm.

– Të dëshmojmë se Lugina e Preshevës është shqiptare – porositë deputeti popullor në ato tubime.

Bujanoci paraprakisht kishte paralajmëruar se pas bojkotimit të regjistrimit të popullsisë në vitin 2011, shqiptarët do të marrin pjesë në regjistrimin e popullsisë nga 1 deri më 30 tetor të këtij viti, dhe vendimin e kanë marrë të gjitha partitë politike shqiptare, përfaqësuesit e të cilave kanë nënshkruar edhe një deklaratë të përbashkët për pjesëmarrje.

Partia e Arifit të dielën ka dërguar një mesazh për të gjithë shqiptarët për të marrë pjesë në regjistrim.

Siç u kumtua, Kryesia e partisë u mblodh për të vënë në dukje rëndësinë e një organizimi të mirë me qëllim regjistrimin e çdo shqiptari.

PD do të marrë pjesë edhe në zgjedhjet e ardhshme për anëtarët e Këshillit Kombëtar të Shqiptarëve (KKSH) më 13 nëntor ndërsa nëse do ta bëjë këtë e pavarur apo në koalicion do të vendoset në ditët në vijim.