Shkruan: N. Stevanoviq
Bujanoc 27. tetor 2023. Ndaj akuzave të zëvendësit të tij dhe partnerit të koalicionit, Shqiprim Musliu, kryetar i Lëvizjes për Progres Demokratik (LPD), se me politikanët serb është marrë vesh për punësimin në Administratën komunale, kryetari i Bujanocit, Nagip Arifi u përgjigj se janë planifikuar 10 vende pune për shqiptarët.
-Gjatë mandatit trevjeçar të kësaj përbërje, vetëm në Administratën Komunale janë punësuar në kohë të pacaktuar gjithsej 10 shqiptarë dhe së shpejti do të punësohen edhe 10 shqiptarë të tjerë. Nga janari do të punësojmë më shumë – kanë thënë të premten nga PD e Arifit.
Përveç për punësimin e shqiptarëve, nuk flitet për punësim të të tjerëve.
Bujanovaçke më herët sot ka bërë të ditur se Musliu po e akuzon Arifin se ka arritur marrëveshje me serbët për punësim në Komunë, për këtë edhe PD-jaLPD-ë edhe e ka bojkotuar seancën e djeshme të Këshillit Komunal.
Menjëherë pasoi përgjigja e Arifit.
“Në këtë seancë morën pjesë 6 nga 9 anëtarët e Këshillit komunal, nga të cilët me shumicë votash u votua ndryshimi i Rregullores për sistematizimin e vendeve të punës, i cili i hap rrugën punësimit të 10 punëtorëve të tjerë për një periudhë të pacaktuar. Çuditërisht në seancë nuk morën pjesë anëtarë të LPD-së, gjë që rrezikoi të mbetemi pa këto 10 vende pune që i kërkojmë prej kohësh”, kanë thënë nga partia e Arifit.
Ata konsiderojnë se bojkoti është një veprim i pamenduar i LPD-së, në dëm të punëtorëve.
Partia Demokratike vlerëson se punësimi i shqiptarëve në këtë numër është një sukses i madh.
Krahasuar me qeverinë e kaluar në vitin 2016-2020, ku në administratë ishin të punësuar vetëm 3 persona – 2 shqiptarë dhe 1 serb”, thonë nga partia e Arifit.
Pëlqimin për punësimin e 10 punëtorëve me afat të pacaktuar, siç thuhet, e ka dhënë ministria pas disa kërkesave të kryetarit të komunës ndërsa me ndihmën e OSBE-së.