Bujanoc, 28. shkurt 2024. Këndi Amerikan (KA) Bujanoc, në bashkëpunim me shkollën e mesme “Sezai Suroi” në Bujanoc, të martën organizuan shfaqjen e filmit “Growing Up”, pas së cilës u zhvillua një diskutim me nxënësit me temën e diversitetit.

“Filmi “Growing Up” ishte i përshtatshëm për moshën e tyre dhe të gjithë ishin shumë aktivë në diskutimin pas filmit. Shfaqja u ndoq nga 29 nxënës të shkollave të mesme, shumica e të cilëve janë anëtarë të Këndit Amerikan. Ngjarje të tilla do të organizohen edhe në të ardhmen, sepse ka shumë interes”, thane nga KA.

Nxënësit në shfaqjen e filmit u prinë nga mësuesja e gjuhës serbe Jelena Rangjelloviq, e cila thotë për Bujanovaçke se ky lloj aktiviteti është gjithmonë interesant për fëmijët.

– Ne vizituam qendrën për t’u njohur me aktivitetet e Këndit Amerikan. Luajtëm pak karaoke, shikuam një film dhe diskutuam. Nxënësit ishin aktivë, veçanërisht në diskutimin mbi temën e rritjes dhe diversitetit. Përveç kësaj, ata patën mundësinë të shikojnë librat në KA dhe të mësojnë për të gjitha aktivitetet që organizon këndi – thotë Rangjeloviq.