Bujanoc, 23 Mars 2020- Të hënën filloi xhirimi i njësive mësimore në gjuhën shqipe për nxënësit shqiptarë të komunave Preshevë, Bujanoc dhe Medvegjë. Xhirimi po realizohet në hapësirat e Shkollës së mesme “Sezai Surroi”në Bujanoc, lajm të cilin për Bujanovaçke e konfirmoi Ragmi Mustafa kryetar i Këshillit kombëtar shqiptar.
Sipas tij, transmetimi përmes televizioneve Spektri dhe Aldi do të fillojë nga e dita e martë, 24 mars.
-Sot filloi xhirimi i njësive mësimore për kalsat nga 1 – 4, të ciklit të ulët të fillores, ndërsa gjatë kësaj jave do të fillohet edhe xhirimi për klasat e ciklit të lartë të fillores. Pas kësaj fillon xhirimi edhe i njësive mësimore për shkollat e mesme, thotë Mustafa.
[quote]SVE VESTI O KORONA VIRUSU VEZANE ZA BUJANOVAC, MOŽETE PRATITI NA NAŠEM LINKU KLIKOM OVDE![/quote]
Xhirimi i njësive mësimore për filloristë është duke u zhvilluar për tri lëndë: Gjuhë amëtare (Shqipe), Matematikë dhe Bota rreth nesh.
Ai shtoi se është duke u punuar në kushte të vështira për shkak të gjendjes së jashtëzakonshme e shpallur me rastin e përhapjes së pandemisë së koronavirusit, por thekson se është e rëndësishme që nxënësit të fillojnë mësimet sa më shpejt që të jetë e mundur.
Sipas Mustafës, orët e mësimit do të jenë të disponueshme edhe në rrjetet sociale.
Në këto tri komunat janë 13 shkolla me rreth 10.000 nxënës në të cilat mësimi zhvillohet në gjuhën shqipe.
