Shkruan: D. Stoshiq

Bujanoc, Prokuple 7 dhjetor 2021. – Të rinjtë nga Bujanoci dhe Presheva në një aksion humanitar po mbledhin para, ëmbëlsira, lodra dhe pako për Vitin e Ri për fëmijët e familjeve të rrezikuara sociale. Ata u bëjnë thirrje qytetarëve që të ndihmojnë duke paguar para në një llogari të dedikuar ose duke kontaktuar “Iniciativat Qytetare”.

Të rinjtë nga Bujanoci dhe Presheva, komunat më të pazhvilluara në Serbi, të vetëdijshëm për gjendjen e keqe financiare të shumë familjeve, me këtë gjest duan të ndihmojnë dhe t’u sjellin sadopak gëzim bashkëqytetarëve të tyre më të rinj.

– Çdo fëmijë ka të drejtën për një fëmijëri të lumtur. Është kënaqësi e madhe t’i gëzosh fëmijët gjatë pushimeve ndërsa të shohësh një buzëqeshje në fytyrat e tyre është një shenjë se po bëjmë gjënë e duhur. Ftoj të gjithë biznesmenët vendas që të dhurojnë para në përputhje me mundësitë e tyre dhe në këtë mënyrë të kontribuojnë në kthimin e haresë së Vitit të Ri te më të vegjëlit – thotë Bogdan Matiq, gjimnazist dhe aktivist nga Bujanoci.

Milica Brankoviq, koordinatore në teren në Iniciativave Qytetare, thotë se këto janë familje që luftojnë për kafshatën e gojës dhe se janë fëmijë që mund të mos kenë marrë kurrë një pako për Vitin e Ri, sepse prindërit e tyre nuk kanë mundur t’u ofrojnë një gëzim të tillë.

– Synimi ynë është t’u japim pako fëmijëve tanë nga familjet e rrezikuara sociale dhe për këtë kemi nevojë për reagimin më të madh të mundshëm nga kompanitë, zinxhirët e shitjes me pakicë si në nivel lokal ashtu edhe në nivel kombëtar për të ndihmuar dhe mbështetur aksionin me donacionet e tyre në formën e ëmbëlsirave, lodrave dhe përmbajtje të tjera për fëmijë- thotë Milica.

Ai shton se çdo donacion është i rëndësishëm dhe se nëse ka më shumë, do të ketë një numër më të madh të pakove me përmbajtje më të mirë.

Individët, organizatat dhe kompanitë mund të dhurojnë para për blerjen e përmbajtjes për paketat deri më 20 dhjetor në llogarinë e dedikuar 160-6000000072787-35 në bankën “Intesa”.

Lodrat, ëmbëlsirat dhe përmbajtjet tjera të ngjashme me interes për fëmijët mund të dhurohen në hapësirat e Zyrës për të rinjë në sheshin e qytetit në Bujanoc ose përmes “Iniciativës Qytetare” në numrin e telefonit 069/3624041 ose e-mail milicab@gradjanske.org.

Ky aksion humanitar i Vitit të Ri përveç në Bujanoc dhe Preshevë po organizohet edhe në Vranjë dhe Leban.