Bujanoc, 27. maj 2022. – Rreth 630 votues votuan sot për herë të dytë në zgjedhjet e përsëritura parlamentare në Tërnoc, ndërsa Koalicionit të Shqiptarëve të Luginës i nevojiten 610 vota për një deputet, mësohet jozyrtarisht nga Bujanovaçke.

Gjithashtu, jozyrtarisht mësojmë se deri në fund të ditës së zgjedhjeve nuk u raportuan parregullsi të mëdha. Disa anëtarë të këshillit zgjedhor nga partitë serbe i kanë thënë vaçkes se nuk do të kundërshtojnë procesin zgjedhor.

Nga këto zgjedhje varet nëse Koalicioni i Shqiptarëve të Luginës do të marrë një mandat në Kuvendin e Serbisë, për të cilin i duhen 610 vota.

Me kusht që të gjithë ata, që sot votuan në vendvotimin numër 6 në shkollën fillore “Muarem Kadriu”, ta japin votën e tyre për Koalicionin e Shqiptarëve dhe nëse nuk ka ankesa për procesin zgjedhor, Shaip Kamberi do të jetë deputet i kësaj përbërje të Kuvendit të Serbisë.

Derisa po e lajmërojmë (rreth orës 20:30), në vendvotim ndodhen vetëm qytetarët që kanë ndodhur aty në orën 20, kur qendra e votimit është e mbyllur.