Shkruan: I. Jovanoviq
Bujanoc, 16. tetor 2023. Të dielën ka përfunduar rehabilitimi i rrugës në Levosoj afër Bujanocit, në gjatësi prej një kilometër. Vlera e punës që është financuar nga Ministria e Transportit, Ndërtimit dhe Infrastrukturës është 9 milionë dinarë.
– Rruga e restauruar shtrihet nga shkolla fillore “Vuk Karaxhiq” në LevosojË deri në hyrje të fshatit Osllare. Në kuadër të këtij projekti, i cili është financuar nga Ministria e Transportit, Ndërtimit dhe Infrastrukturës, në fshatin Klenikë është ndërtuar një rrugë e gjatë një kilometër, dhe vlera e asaj rruge që të çon në manastirin e Prohorit është 15 milionë dinarë, tha për Bujanovackë ushtruesi i detyrës së drejtorit të Shërbimit të Trupit Koordinues për Jugun e Serbisë, Nenad Mitroviq.
Krahas kësaj, siç thotë ai, të dielën është punuar edhe në pjesën që shpie nga manastiri i Prohorit deri në pikën kufitare në gjatësi prej 2.5 kilometrash, e cili duhet të përfundojë sot.
– Tani po punohet në dy rrugë me gjatësi 950 metra në fshatin Llopardincë, ku janë duke u bërë përgatitjet dhe asfaltimi duhet të përfundojë deri në fund të javës. Përveç kësaj, në fshatin Lilancë do të rregullohet një rrugë 1300 metra e gjatë, e ndjekur nga një rrugë 400 metra në fshatin Zhbevc dhe një rrugë e gjatë 350 metra në fshatin Zhuzhelicë. E gjithë kjo financohet nga Qeveria e Republikës së Serbisë përmes Trupit Koordinues – shton Mitroviq.