Bujanoc, 7. mars 2024. – Në prag të festës kushtuar gruas, sheshi në Bujanoc është i mbushur me lule, aranzhime me lule, bizhuteri, dekorime dhe gjithçka që mund të bëni për t’i gëzuar zonjat me 8 Mars. Çmimet janë të përshtatura për xhepin e secilit, kështu që ju mund të gjeni një dhuratë nga vetëm 150 dinarë, deri në 3000 e edhe më shumë.
Natasha dhe Jovana nga Llopardinca sot për herë të parë janë këtu dhe thonë se dita ka nisur mbarë sa i përket shitjeve.
Shesim lule artificiale te rregulluara dhe kemi edhe vazo me lule natyrale. Ajo që ndoshta më së shumti i intereson bashkëqytetarët tanë janë kompletet që i kemi bërë nga lule artificiale dhe produkte kozmetike, çmimi fillestar i të cilave është 500 dinarë dhe përmbajnë të gjitha artikujt kozmetike që i duhen një gruaje – thonë Jovan dhe Natasha për Bujanovaçke, duke shtuar se një trëndafil artificial, në varësi të paketimit kushton nga 150 deri në 300 dinarë.
Foto: Natasha dhe Jovana
Millosh Kator nga Bujanoci, i cili me vite para 8 marsit ka shitur lule natyrale, thotë se ofron vazo me lule nga 100 deri në 3000 dinarë.
Më e lira është primula – 100 dinarë, muskatel – 250, ciklaminë – 300, dresen 600, orhidea – nga 700 deri në 1500, begonia nga 400 në 1000, dhe më e shtrenjta është trëndafili japonez e që çmimi i tij është 3000 dinarë. Milloshi thotë se interesimi është në nivel por më së shumti shiten ciklamina dhe muskat.
Vëmendjen tonë e tërhoqi stenda me buqeta të shndritshme dhe flutura të vogla dhe arusha pelushi, të cilat shiteshin në shesh nga Sllavica e Karadnikut.
Foto: Sllavica
– Unë jam këtu për herë të parë ndërsa interesimi është i madh deri tani, ndoshta sepse diçka e tillë nuk është ofruar më parë. Një arush pelushi me një trëndafil kushton 450 dinarë, kurse buqetat me shkëlqim janë 1500 dhe 1800 – thotë Sllavica.
Foto: Memeti
Jeton Memeti nga Bujanoci ofron lule nga 150 deri në 1500 dinarë, aq sa është kostoja është shuma e Orkidesë.
-Orkidetë janë të shtrenjta, por më të njohurat. Jam i kënaqur me atë se si po shkojnë shitjet deri tani – thotë Memeti për portalin tonë.
Ata që vendosin të mos u dhurojnë zonjave lule, por diçka tjetër, mund të zgjedhin një bizhuteri të punuar me dorë, vathë apo gjerdan prej lëkure natyrale dhe druri, të punuar nga Ivana.
Foto: Shitësit thonë se ka blerës
Qytetarët e Bujanocit, të cilët i gjetëm në shesh në mëngjes, thanë për portalin tonë se lulet zakonisht janë zgjedhja e parë, sepse “cilës zonje nuk i pëlqen të marrë një buçetë me lule”.
– Më së shumti blej lule për gjysmën time më të mirë, trëndafilat janë klasik, dhe shoh që ka edhe aranzhime të bukura, kështu që do të shohim – thotë bashkëbiseduesi ynë që ka ardhur për të parë cilësinë e ofertës, për të vendosur deri nesër, që “lulet të jenë më të freskëta”.

Ata që zgjedhin lulet sipas ngjyrës duhet të dinë se, pavarësisht nga lloji, vjollca simbolizon butësinë, ngjyra blu besnikërinë dhe imagjinatën, ndërsa e portokallta krenarinë dhe energjinë e jetës. E bardha është simbol i dëlirësisë dhe ndershmërisë, e kuqja e dashurisë, zjarrit, jetës dhe bukurisë, jeshile e mirëkuptimit dhe dhembshurisë dhe e verdha e xhelozisë dhe gëzimit.