PAVLLOVIQ: RISHIKIMI PO BËHET PËR SHKAK TË RREGULLAVE TË REJA E JO PËR SHKAK TË LËSHIMIEVE TONA

Bujanoc, 4 shkurt 2025. – Ne nuk po bëjmë rishikimin e buxhetit në fillim të vitit nga injoranca, por për shkak të sistemit të ri të Administrimit të Thesarit – tha kreu i financave komunale, Boban Pavlloviq, gjatë debatit parlamentar mbi rishikimin e buxhetit. Ndërkohë po raportojmë , buxheti i rishikuar është miratuar ndërsa tani arrin në 1.515 miliardë dinarë.
Opozita akuzon udhëheqjen komunale për injorancë dhe paaftësi, duke theksuar se për herë të parë në histori po ndryshon një buxhet i miratuar vetëm një muaj më parë. Pavlloviq i hodhi poshtë këto akuza.
-Buxhetin e kemi miratuar më 27 dhjetor ndërsa më 10 janar kemi marrë një letër që duhet të mbyllim të gjitha nënllogaritë dhe se çdo gjë do të kalojë në një llogari. Është sistemi Spiri. Për këtë arsye po bëhet rishikimi i tij – tha Pavlloviq.
Mirëpo, këshilltari i PVD-së në opozitë, Rahim Salihi, pyeti se pse vetëm Bujanoci po bën një rishikim të tillë dhe pse nuk janë respektuar rekomandimet e autoriteteve gjatë përgatitjes së buxhetit.
-Ju thatë se keni marrë rekomandime, besoj si gjithë pushtetet e tjera lokale, pse nuk keni vepruar sipas tyre – tha Salihi.
Sipas Pavlloviqit, në anën e shpenzimeve të buxhetit janë shtuar rreth 100 milionë dinarë, të dedikuar për projekte, më të mëdhatë prej të cilave janë banesa sociale për romët (26 milionë dinarë) dhe gjimnazi për shkollën “Naim Frashëri” (64 milionë).
-Arsyeja e urgjencës është projekti i strehimit të romëve i cili duhet të përfundojë deri më 17 shkurt. Apartamentet jane ndertuar, mobiliet jane blere, cdo gje e perfunduar, vetem duhet paguar. Nëse nuk paguajmë deri më 17 shkurt, donatorët do të tërheqin fondet”, thotë Pavlloviq.
Ai po ashtu tha se pas rishikimit të buxhetit është me deficit prej 125 milionë euro, por se kjo po mbulohet nga mjetet e bartura nga viti paraprak.
Komuna aktualisht në llogarinë e saj ka gati 137 milionë dinarë, tha Pavlloviq.
Opozita kritikoi propozimin dhe kërkoi tërheqjen e kësaj pike nga rendi i ditës. Qeveria i cilësoi kritikat e opozitës si politikaneske.