Bujanoc, 20. dhjetor 2024. – Shumadia, Beogradi, Novi Sadi janë vetëm disa nga 84 për qind e të gjitha qyteteve dhe rajoneve në Serbi ku jetojnë shqiptarët. Misioni i shqiptarëve që jetojnë në Bujanoc është të vendosin kontakte me bashkëëkombasit në pjesët tjera të Serbisë, tha kryetari i Këshillit Kombëtar të Shqiptarëve (KKSH), Nevzad Lutfiu.
“Ne kemi përpiluar një listë sipas qyteteve dhe tani misioni ynë është që pas Vitit të Ri të vendosim kontakte me shqiptarët në pjesët e tjera të Serbisë”, ka shkruar Lutfiu.
Ai shtoi se “numri i shqiptarëve në Luginën e Preshevës është më i madh se ai i paraqitur nga ERS”.
Sipas rezultateve zyrtare të regjistrimit të vitit 2022, shqiptarët përbëjnë gati një të tretën e popullsisë së rrethit të Pçinjit, ku jetojnë gjithsej 193.802 qytetarë. Nga ky numër, 56.834 janë deklaruar si shqiptarë në regjistrim, që është 29.3 për qind.
Numri i përgjithshëm i shqiptarëve në Serbi është 61.687, sa gjysma e numrit të vlerësuar nga politikanët vendas shqiptarë. Gjithashtu, sipas të dhënave zyrtare, pakica kombëtare shqiptare është e katërta më e madhe në Serbi, pas hungarezëve, boshnjakëve dhe romëve.
Lutfiu paraqet të dhënat për numrin e shqiptarëve sipas rajoneve dhe qyteteve të Serbisë:
Gjithsej 58.145 shqiptarë jetojnë në rajonet e në jug dhe lindje të Serisë. Prej tyre, numri më i madh është në Preshevë – 31.340, pasuar nga Bujanoci – 25.465 dhe Medvegja – 905.
Sipas të dhënave të ERS, në Vojvodinë jetojnë 1.935 shqiptarë, të prirë nga Novi Sadi me 476 dhe Subotica me 310.
Në rajonin e Beogradit jetojnë gjithsej 932 shqiptarë, nga të cilët numri më i madh është në komunën e Novi Beogradit – 207 dhe komunën e Palilulës – 163.
Shumadia dhe Serbia perëndimore numërojnë 675 shqiptarë, nga të cilët 200 janë në Novi Pazar.