Bujanoc, 9. gusht 2021. – Këtë vit, Diaspora do të lërë mes 6 dhe 7 milionë euro në Bujanoc, që është gjysma e buxhetit vjetor të komunës sonë, i cili projektohet në 1.3 miliardë dinarë (rreth 11 milionë euro).

Ndryshe nga vera e kaluar, kur ardhja nuk ishte e mundur për shkak të Covid – 19, këtë verë Bujanoci është plot me bashkëqytetarë tanë që jetojnë dhe punojnë jashtë vendit.

Biznesmeni Nexhat Behluli vlerëson se këtë verë rreth 15.000 prej tyre, që punojnë në shtetet perëndimore, do të arrijnë në Bujanoc dhe fshatrat përreth.

-Sipas vlerësimeve dhe hulumtimeve që kemi bërë, secili pjesëtar i diasporës shpenzon mesatarisht 400 euro gjatë qëndrimit të tij këtu. Vlerësimet tona thonë se këtë verë rreth 15.000 bashkëqytetarë tanë do të kalojnë pushimet në Bujanoc, kështu që nuk është e lehtë të llogaritet se këtu do të lihen të paktën 6 milionë euro.

Sidoqoftë, diaspora ende nuk është e interesuar për investime të mëdha në komunë, përveç blerjes së pasurive të paluajtshme, kryesisht apartamente.

Ajo që është evidente është se të gjithë në qytet përfitojnë nga diaspora, duke mos llogaritur familjarët e afërt – nga objektet e hotelierisë në qytet tek shitësit e ushqimeve dhe pronarët e lojërave për fëmijë në shesh.