Shkruan: I. Jovanoviq
Bujanoc, 28. dhjetor 2023. -Me koncertin tradicional të Vitit të Ri, i cili u mbajt të mërkurën në mbrëmje, fëmijët dhe arsimtarët e Shkollës së Muzikës në Bujanoc kënaqën publikun e madh në sallën e madhe të Shtëpisë së kulturës “Vuk Karaxhiq” në Bujanoc.
Veprat e Radivoje Llaziqit, Xhillokut, Schumann-it, Bramsit dhe figura të tjera të mëdha të muzikës klasike dhe moderne mund të dëgjoheshin nga nxënësit e klasave të para deri në të gjashta të Shkollës së Muzikës, të cilët treguan talentin e tyre në kitarë, fizarmonikë, piano, klarinetë dhe violinë.
I pari që performoi ishte nxënësi i klasës së pestë Mateja Trajkoviq, i cili luajti në kitarë Etudin e Karkasit. Më pas ishin solistët Lena Tasiq në piano, Iva Stoshiq në violinë, Aleksa Stojanoviq në klarinetë, Bojana Gjorgjeviq në piano, Srgjan Isenoviq në klarinetë, Llazar Tasiq në fizarmonikë e të tjerë.
Neda Stojanoviq – nxënëse e klasës së tretë, luajti në piano Pemën e përhumbur nga Xhilok, ndërsa dyshja Lena Tasiq dhe Mateja Spasiq luajtën vallëzimin hungarez të Brahms.
Më pas performuan Emilija Trajkoviq, Saranda Ferati, Aleksa Zlatkoviq, Lena Spasiq, Nemanja Iliq dhe Sofija Nakiq.
Emira Ferati dhe Nikolina Nakiq në piano dhe Aleksa Peshiq në harmonikë u paraqitën para publikut si të fundit në serinë e solistëve.
Pas solistëve, në skenë doli kori nën dirigjenten Mirjana Kostiq, e cila ofroi një kënaqësi të paharrueshme duke kënduar një këngë të Vitit të Ri dhe një numër nga filmi Familja Adams.
Koncerti i Vitit të Ri përfundoi me performancën e orkestrës së drejtuar nga Milosh Stoimenov, i cili interpretoi këngët Atje largë dhe Vasli i Krishtlindjes.