Bujanoc, 13 shtator 2024. Propozimi i ligjit të ri për sigurinë në trafik, i cili duhet të vihet në debat publik deri në fund të vitit, parasheh gjoba më të larta për shkelje të shumta të trafikut dhe mundësinë e konfiskimit të përhershëm të automjetit.
“Ndoshta ndryshimi më i madh që parashikohet në draftin e ligjit të ri do të jetë një penalitet dukshëm më i lartë për shkeljet në trafikun rrugor, sepse inflacioni i ka bërë të pakuptimta gjobat aktuale”, raporton N1.
Ligji aktual për sigurinë në komunikacion parasheh mundësinë e konfiskimit të përkohshëm të automjeteve, dhe sipas ndihmës drejtorit të Agjencisë Serbe për Siguri në Trafik, Mirko Kokoviq, ligji i ri do të përfshijë edhe një dispozitë për konfiskimin e përhershëm.
“Konfiskimi i përkohshëm mund të zgjasë dy vjet. Dhe këtu paguhet tarifa e qëndrimit. Është e rëndësishme që ne kemi hyrë në atë proces sepse është diçka që ekziston në Evropë dhe atje aplikojnë edhe konfiskim të përhershëm. Kështu që besoj se do ta përshkruajmë atë model”, tha Kokoviq.
Grupi i punës që po harton projektligjin e ri po shqyrton edhe opsionin e ndalimit të përhershëm të drejtimit të automjeteve të një kategorie të caktuar.
Do të futen edhe dispozita që kanë të bëjnë me biçikletat elektrike, të cilat aktualisht janë të padukshme për ligjin, me të cilat do të rregullohet se ku dhe në çfarë kushtesh njerëzit mund t’i përdorin ato.