E TRETA DITË PA UJ, ZHBEVCASIT LUSIN EPS-in TË REAGOJ

Shkruan: I. Jovanoviq
Bujanoc, 24 shkurt 2025. (Foto ilustrim) – Për shkak të problemeve me rrymën te burimi i ujit, banorët e Zhbevcit afër Bujanocit janë të tretën ditë pa ujë. Sipas kryetarit të Bashkësisë Lokale, Zoran Angjellkoviq, ky problem nuk është përgjegjësi e Komunalisë, por e Kompanisë Elektrike, por askush nga kjo kompani nuk ka dalë në vendin e ngjarjes, edhe pse janë informuar.
-Kam folur me një punonjës që kujdeset për pusin, i cili më tha se kishin lajmëruar EPS-in dhe se një pjesë që ishte djegur duhej ndërruar. Dje është dashur ta ndërrojnë, por nuk e kanë bërë, askush nuk është përgjigjur në telefon në zyrëne kësaj kompanie në Bujanoc. Prandaj e thirra Vranjën dhe më thanë se do ta rregullojnë, por as ata nuk erdhën – shpjegon Angjellkoviq nga bashkësia lokale e Zhbevcit.
Ai shton se banorët e zonës e telefonojnë çdo ditë dhe e pyesin se kur do të vijë uji ndërsa ai nuk di çfarë t’u thotë.
-Shpresoj të vijë dikush sot dhe më në fund të furnizohemi ujë – thotë ai.