Shkruan: N. Stevanoviq
Bujanoc, 23. qershor 2023. (Foto nga arkivi) – Komisioni komunal ua dha punën për asfaltimin e rrugës, në gjatësi 1435 metra, në fshatin Bilaç dy kompanive nga Vranja.
Kompanitë Panevle Sh.p.k. dhe DSD Roads Sh.p.k. dërguan ofertën më të mirë prej 10.6 milionë dinarë me TVSH. Panevle është bartëse e ofertës dhe do të kryejë 95 për qind të punimeve.
Në tender kanë marrë pjesë edhe kompanitë e Preshevës – Saba Bellça me ofertë prej 11.9 milionë dinarë dhe Shera Beton me pothuajse të njëjtën shumë.
Bëhet fjalë për projektin e asfaltimit të rrugës nga fshati Bilaç deri në rrugën shtetërore të klasit të dytë, siç thuhet në buxhet. Banorët lokal thonë se rruga do të shtrohet deri te mbikalimi që shpie në Raincë.
Afati për përfundimin e punimeve është 50 ditë.
Paratë për asfaltimin e rrugës në Bilaç janë siguruar nga Trupi Koordinues.