Bujanoc, Preshevë, 5. janar 2024. – Në bashkëpunim me policinë, në vendkalimet kufitare Preshevë dhe Gradinë, doganierët më 3 dhe 4 janar 2024 zbuluan dhe konfiskuan ar dhe sende me vlerë, vlera e të cilave llogaritet në mbi 66.000 euro. Rasti i parë u zbulua më 3 janar në vendkalimin kufitar të Preshevës, kur një veturë e drejtuar nga një shtetas i huaj 27-vjeçar ishte veçuar për kontroll të detajuar në hyrje të vendit.

Kur u pyetën nëse kishin ndonjë gjë për të raportuar, shoferi dhe shoqëruesja e tij u përgjigjën negativisht, duke thënë se mbanin vetëm bagazhe personale. Tashmë në fillim të kontrollit, në fund të çantës që ndodhej pas sediljes së pasagjerit, u gjetën tre ora dore të reja “Rolex”, “DKNY” dhe “Swarovski”, si dhe një sasi e madhe e stolive të paketuara “Swarovski: komplete, gjerdan, byzylykë, unaza dhe vathë.

Më pas, në çantën që ndodhej në dysheme përpara sediljes së pasagjerit, u gjet një kuti pelushi e mbështjellë me letër alumini dhe plot me bizhuteri të ndryshme ari.

Vlera totale e gati 600 gramëve bizhuteri të forta prej ari, orëve të markës dhe bizhuterive “Swarovski” llogaritet në më shumë se 53 mijë euro.

Të nesërmen, shtatë shufra ari, me vlerë mbi 13.000 euro, u sekuestruan në pikën kufitare të Gradinës dhe u zbuluan në çantën e shpinës së një pasagjeri gjatë kontrollit të detajuar të një autobusi që udhëtonte në linjën Bullgari-Gjermani. U zbuluan edhe tri orë të shtrenjta.
Doganierët kujtojnë se gjatë kalimit të kufirit, udhëtarët duhet të deklarojnë të gjitha sendet me vlerë që mbajnë me vete, për të shmangur shqetësimet dhe rrezikun e konfiskimit të tyre të përkohshëm ose të përhershëm.