Shkruan: I. Jovanoviq
Bujanoc, 5. dhjetor 2024. Toma Stojanoviq nga Levosoj, presidenti dhe financuesi i vetëm i klubit lokal të futbollit, është i zemëruar me kolegët e tij nga sporti, pasi siç thotë ai, ata i kanë marrë të gjitha paratë e ndara për sport, dhe nuk i kanë lënë thuajse asgjë klubit të tij. Ky është reagimi i parë për shpërndarjen e paralajmëruar të parave nga buxheti komunal, për të cilin Bujanovaçke ka shkruar më herët gjatë ditës së sotme.
– Nga 3 milionë dinarë të ndarë nga arka komunale për sport, 1.8 milionë shkojnë për klubet shqiptare dhe 1.2 milionë për klubet serbe. Ky raport prej 60 : 40 përqind është i mirë. Mirëpo, nuk është mirë që tri klubet serbe, KF BSK, Klubi i karatesë dhe KRB Play 017, kanë marrë shumicën e atyre mjeteve, kurse për klubet nga Levosoj dhe Zhbevci kanë mbetur nga 100.000 – thotë Stojanoviq për Bujanovaçke.
Për Stojanoviqin, një nga sportistët më të vjetër në Bujanoc, kjo është një surprizë e madhe dhe e pakëndshme.
– Nuk mund të ndjehem i habitur. Ato klube serbe marrin para nga shteti, tani do të marrin edhe nga komuna. Pse janë kaq të pangopur dhe nuk na japin më shumë neve që nuk kemi asgjë. Duhet të mbështesim dhe ndihmojmë njëri-tjetrin, si dhe me klubet shqiptare, sepse sporti është një gjë fisnike dhe fëmijët duhet të stërviten – thotë Stojanoviq dhe shton se ndihet i fyer dhe i poshtëruar.
Ai është i gatshëm që pjesën e tij prej 100.000 dinarëve ta shpërndajë në mënyrë të barabartë për klubet serbe.
– KF BSK, Klubi i Karatesë dhe KRB Play 017 do të marrin nga unë nga 33.000 dinarë, kurse për 1.000 dinarët e mbetur do të blej pije për lojtarët – thotë Stojanoviq.
Stojanoviq ka dashur shorehur mirënjohje të veçantë për pushtetin e ri lokal në Bujanoc dhe qëndrimin e tij ndaj sportit.
-Dëshiroj të faleminderoj kryetarin e ri të komunës, Arbër Pajaziti, nënkryetarin, Aleksandar Millosheviqin, si dhe të gjithë zyrtarët serbë dhe shqiptarë. Modeli që ata zgjodhën, 60 me 40 për klubet shqiptare dhe serbe, është i mirë – thotë Stojanoviq.
Bujanovaçke ka shkruar disa herë për Stojanoviqin dhe dashurinë e tij për futbollin.