Shkruan: N. Stevanoviq
Bujanoc, 20. dhjetor 2024. – Mësimdhënësit janë të ndarë, në Bujanoc disa kanë ndërprerë punën të premten në mbështetje të studentëve protestues, ndërsa të tjerët punojnë. Sipas informacioneve nga sindikata, puna në shkollën fillore “Branko Radiçeviq” në shkollën qendrore në Bujanoc praktikisht është ndërprerë plotësisht, ndërsa drejtoresha Gordana Zllatkoviq thotë se pezullimi është ende i pjesshëm. Në shkollat e tjera, ka një ndarje më drastike të mësuesve, në ata që ofrojnë mbështetje për studentët dhe të tjerët.
Në pyetjen e Bujanovaçkes se sa paralele ka sot, drejtoresha Zllatkoviq përmendi dy në klasën e parë. Sindikalistët, megjithatë, thonë se aktualisht në këto klasa nuk ka më shumë se pesë nxënës.
Në repartet rajonale, në fshatrat e Bujanocit, edhe edukatorët janë të ndarë, por mësimi po zhvillohet, konfirmojnë të dyja palët.
Në gjimnazin “Sveti Sava” në Bujanoc, pezullimi i punës mund të quhet i pjesshëm, sepse kolektivi është i ndarë dhe disa profesorë japin mësim rregullisht, disa jo, sipas informacioneve jozyrtare.
Në shkollën fillore “Bora Stankoviq” në fshatin Klenikë më pak se pesë arsimtarë janë në grevë, mëson Bujanovaçke.
Sipas drejtorit të shkollës fillore “Vuk Karaxhiq” në Levosojë, Dushan Jovanoviq, pezullimi në këtë shkollë është po ashtu i pjesshëm dhe vlerëson se gjysma e stafit mësimdhënës japin mësim rregullisht.
Sindikatat përfaqësuese të punonjësve të arsimit morën vendimin që punonjësit e arsimit të ndërpresin punën ditën e premte, në shenjë solidariteti dhe mbështetjeje për studentët në luftën për një shoqëri më të mirë dhe më të drejtë, siç thanë ata.
Pritet që Qeveria e Serbisë të marrë një vendim përfundimtar me të cilin pushimi dimëror për shkollat fillore dhe të mesme të filloj një javë më parë.