Shkruan: I. Jovanoviq

Bujanoc, 13 shkurt 2023. Mësimdhënësit e edukatës fizike në shkollat e Bujanocit mendojnë se duhet të rritet numri i orëve të edukatës fizike nga dy në pesë orë në javë, sepse, siç thonë ata, fëmijët janë të ngujuar në botën virtuale – gjithnjë e më pak aktivë, dhe gjithnjë e më shumë obezë, me aftësi të dobëta motorike, deformime të theksuara, kërrusje dhe pa shprehi vrapimi.
– Në shkollën tonë fillore fëmijët kanë dy orë edukatë fizike dhe një orë aktivitete sportive në javë, por kjo nuk mjafton dhe është shumë e nevojshme që ky numër të jetë çdo ditë mësimi nga një orë – thotë për portalin tonë Nenad Mitiq, mësues i edukimit fizik. në shkollën fillore “Branko Radiçeviq” në Bujanoc.
Siç thotë ai, fëmijët janë të rënduar nga mënyra moderne e jetesës, telefonat, kompjuterët dhe kanë nevojë për sa më shumë aktivitet, gjë që e tregon edhe shëndeti i tyre.
– Kërrusen në tavolinë, janë vazhdimisht në një pozitë trupi gjysmë shtrirë dhe ka gjithnjë e më shumë të tillë që kanë një nivel deformimi, për pasojë janë pasiv edhe në orët e edukatës fizike – thekson Mitq.
Sipas tij, teknologjia moderne, përveç se dëmton shëndetin e fëmijëve, ua pakëson kontaktet sociale, distancohen nga njëri-tjetri, nuk dalin në terrene sportive për të luajtur, për të vrapuar.
– Sot arat e Bujanocit janë bosh, por në të kaluarën nuk ka qenë kështu. Fëmijët duhet të mësojnë se aktiviteti fizik është baza për shëndetin dhe jetën e tyre funksionale dhe duhet të kenë kohë për aktivitet gjatë ditës në mënyrë që të largohen nga stresi që grumbullohet tek ata nga anët e ndryshme – shton Mitićq.
Kraas kësaj, Mitiq beson se është po aq e rëndësishme që prindërit t’i mësojnë fëmijët e tyre të mbajnë pajisje shtesë për orët e edukimit fizik, të ndërrojnë rrobat pas orës së mësimit, në mënyrë që të mos sëmuren më vonë, gjë që, siç thotë ai, shpesh ndodh.
Një qëndrim të ngjashëm ka edhe Sllavisha Joviq, profesor i edukatës fizike në shkollën e mesme “Sveti Sava” në Bujanoc.
– Problemi më i madh është se nuk punohet në klasat e ulëta, sepse orën e edukatës fizike duhet ta zhvillojë mësuesi i lëndës, jo mësuesit e përgjithshëm, duhet të nguliten shprehitë e shëndetshme tek fëmijët, sepse kur baza është e mirë gjithçka është më e lehtë pas kësaj – thekson Joviq.
Rekomandimi i Organizatës Botërore të Shëndetësisë është i qartë – për zhvillimin e duhur të fëmijëve dhe të rinjve, nxënësit nga klasa e parë e shkollës fillore deri në klasën e katërt të shkollës së mesme brenda ditës duhet të kenë një orë aktivitet fizik mesatar, ata më të rriturit edhe intenziv.
Të dhënat e Institutit “Batut” të publikuara para pandemisë tregojnë se çdo i shtati fëmijë në Serbi ka deformim të këmbës dhe çdo i njëmbëdhjeti ka deformim të shtyllës kurrizore. Ekspertët pohojnë se pas pandemisë situata është edhe më e rëndë.
Për këto arsye, Shoqata e Mësimdhënësve të Edukimit Fizik të Serbisë i dërgoi një iniciativë Ministrisë së Arsimit për rritjen e numrit të orëve të edukatës fizike, në pesë orë në javë.