Shkruan: N. Stevanoviq
Bujanoc, 25 mars 2024. (Foto nga arikivi) – Puna e asfaltimit të disa rrugëve në fshatin Tërnoc, afër Bujanocit, në vlerë prej rreth 12.6 milionë dinarë, i është dhënë kompanisë “Saba Belça” nga Presheva, ka vendosur komisioni komunal për prokurim publik.
Komuna ka paraprë 16,9 milionë për këto punime, por kompania nga Presheva ka ofruar çmim dukshëm më të favorshëm. Vendimi për ndarjen e kontratës është bërë i ditur të premten. Në konkursin për kontraktues ishte një kompani tjetër dhe dy grupe ofertuesish.
Në fshatin më të madh në Serbi të banuar ekskluzivisht me shqiptarë, Komuna vitin e kaluar asfaltoi 15 rrugica për 11.6 milionë dinarë. Edhe atëherë u angazhuan kompanitë “Saba Belca” dhe “Decor Company” nga Tërnoci.
Komisioni komunal ka përzgjedhur edhe një kontraktues për asfaltim në fshatin Muhoc. Kompanitë e Vranjës GP 5D Panevlje dhe DSD Roads fituan kontratën me vlerë pak më pak se 3 milionë dinarë.
Pritet një vendim për kontraktorin për asfaltimin në Bilaç dhe Samolicë.