Shkruan: N. Stevanoviq
Bujanoc, 12. qershor 2024. Zgjedhjet lokale do të përsëriten të enjten (13 qershor) nga qytetarët e Bujanocit të cilët do të votojnë në vendvotimin 46 – Shtëpia e kulturës (mësojtorja), si dhe banorët e fshatit Muhoc, në vendvotimin numër 11.
Të drejtë vote në të dyja vendvotimet kanë gjithsej 1783 qytetarë – 878 në Shtëpinë e Kulturës dhe 905 në Muhoc.
Zgjedhjet lokale të 2 qershorit në vendvotimin numër 46 u anuluan sipas detyrës zyrtare nga komisioni zgjedhor, për shkak se asnjë nga anëtarët e komisionit zgjedhor nuk e kishte nënshkruar procesverbalin. Ndryshe, pjesëmarrja ishte pak nën 50 për qind.
Në Muhoc, i banuar ekskluzivisht me shqiptarë, votimi përsëritet, sepse më 2 qershor praktikisht nuk ka pasur votim. Kjo qendër votimi ishte mbyllur në orën 14:25, kështu që komisioni zgjedhor, gjithashtu sipas detyrës zyrtare, vendosi anulimin e zgjedhjeve.
Bujanovaçke tashmë ka shkruar se zgjedhjet për këshilltarë të kuvendit lokal pritet të përsëriten në vendvotimin 47 në Shtëpinë e Kulturës (salla e vogël), si dhe në fshatin Zhbevc (Qendra e votimit 33). Sipas informacioneve jozyrtare, nëse do të ketë një votim të ri në Konçul, do të vendos Gjykata e Lartë në Vranjë në bazë të ankesës së një liste.