Bujanocët, 4 tetor 2023. (foto screenshot RTS) – Në Zonën Tokërore të Sigurisë, pranë linjës administrative me Kosovën dhe Metohinë, “gjendja aktuale është ushtarakisht e qëndrueshme, por e paparashikueshme, e ngarkuar me krizën e sigurisë në Kosovë”, tha të martën mbrëma shefi i Shtabit të Përgjithshëm të Ushtrisë së Serbisë, gjenerali Milan Mojsilović. Ai ka vlerësuar se kjo “lehtë mund të derdhet në pjesën e territorit të pjesës qendrore të Serbisë”, pra në Zonën Tokërore të Sigurisë.

Për pyetjen se çfarë ka ndodhur gjatë përplasjeve në Banjskë, Mojsilović ka përgjigjur se nuk ka pasur “indikatorë që tregojnë se do të ndodhë diçka e madhe dhe aq e komplikuar” dhe se gjendja ka qenë normale.

Ai ka theksuar se gjatë mëngjesit të 24 shtatorit kanë filluar të vijnë informacione mbi ngjarjet, të lënduarit, dhe është vendosur kontakti me komandën e KFOR-it…

“Kemi hyrë në kontakt me komandantin e lartë… si shef i Shtabit të Përgjithshëm kam marrë detyrën – të kontrolloj plotësisht Zonën Tokërore të Sigurisë dhe të siguroj linjën administrative me vendosjen parandaluese të një pjesë të forcave të Ushtrisë së Serbisë”, ka thënë Mojsilović në RTS.

Sipas tij, kjo urdhër nuk është e zakonshme dhe ka qenë në përputhje me ngjarjet në terren.

“Kjo nuk ka qenë gatishmëria e plotë luftarake e Ushtrisë së Serbisë”, tha ai.