Shkruan: N. Stevanoviq
Bujanoc, 12 shtator 2024. Kopshti i Bujanocit të enjten ka pranuar mobilie për fëmijë nga Ministria e Arsimit, ka konfirmuar për portalin tonë drejtori i EP “Gëzimi ynë” Millovan Aleksiq.
– Kemi marrë shumë gjëra, shtretër, dyshekë, rafte. Gjithçka do të shpërndahet aty ku është më e nevojshme në institucionin tonë – thotë Aleksiq.
Donacioni është realizuar përmes projektit të arsimit parashkollor gjithëpërfshirës.
– Kemi aplikuar para disa muajsh dhe aplikimi ynë është pranuar. Jemi të lumtur me këtë donacion. Është shumë i mirëseardhur – thotë Aleksiq.
“Edukimi dhe arsimimi parashkollor gjithëpërfshirës” është një projekt i iniciuar nga Ministria e Arsimit me mbështetjen e Bankës Botërore. Projekti synon të përmirësojë disponueshmërinë, cilësinë dhe barazinë e arsimit dhe edukimit parashkollor për çdo fëmijë nga lindja deri në 6.5 vjeç, veçanërisht për fëmijët nga grupet e ndjeshme shoqërore, sipas faqes së internetit të ministrisë.