Shkruan: N. Stevanoviq

Bujanoc, 11 janar 2023. Partia Demokratike (PD) e Nagip Arifit, në negociatat për koalicionin që do të udhëheqë Këshillin Kombëtar të Shqiptarëve (KksH), kërkon që shumica e re në këshill të përbëhet nga partitë në pushtet në Bujanoc, gjegjësisht PD, Partia për Veprim Demokratik (PvD) e Shaip Kamberit dhe Lëvizja për progres demokratik e Shqiprim Musliut. Ky “kusht i vetëm” i paraqitur nga partia e Arifit të martën në mbrëmje, tri ditë para skadimit të afatit ligjor për formimin e shumicës në NSA, në fakt mund të nënkuptojë zgjedhje të reja në KKSh.
Prej zgjedhjeve të nëntorit prej dy muajsh nuk ka asnjë marrëveshje, sepse PVD e Kamberit kërkon pozitën e kryetarit të KKSh-së, si fitues i zgjedhjeve, ndërsa LPD-ja e Musliut kërkon të njëjtin pozitë me vetëm dy mandate të fituara.
Duke insistuar që koalicioni qeverisës në Bujanoc të udhëheqë edhe me KKSh -në për katër vitet e ardhshme, Arifi i tha Kamberit dhe Musliut se nëse njëri prej tyre nuk lëshon pe, do të pasojnë zgjedhje të reja.
“Kërkojmë që edhe partitë e tjera, të cilat tashmë kanë shprehur mendimin e tyre për situatën e krijuar rreth formimit të koalicionit për KKSh-në, të rishikojnë edhe një herë vendimet e tyre dhe të gjejnë një zgjidhje brenda afateve ligjore, me qëllim krijimin e një koalicioni për të mirën e shqiptarëve në Luginë në përgjithësi, e në veçanti të shqiptarëve në Bujanoc”, njoftohet nga PD.
Ndryshe, shumica në KKSh është e mundur edhe pa partinë e Musliut, me pesë anëtarë të këshillit nga PVD, dy nga PD e Arifit dhe një përfaqësues të Partisë Demokratike të Shqiptarëve (PDSH), por pas këtij njoftimi të partisë së Arifit, shihet qartë se një shumicë e tillë nuk shihet si mundësi.
Alternativa për Ndryshim ka pesë përfaqësues në Këshill, por kundërshton ashpër partitë e tjera dhe nuk ka potencial koalicioni.
Afati për formimin e shumicës në KKSh skadon më 13 janar.