Bujanoc,22. nëntor 2023. Në Ministrinë e Financave sot u nënshkruan kontrata me kompanitë të cilat nga 1 dhjetori do të ofrojnë zbritje dhe përfitime të tjera për studentët e universiteteve, akademive dhe kolegjeve shtetërore dhe private në Serbi përmes projektit “Karta e Studentit”.
Deri më tani këtij projekti i janë bashkuar 24 kompani, ndërsa ministrja e Arsimit Sllavica Gjukiq Dejanoviq ka nënshkruar kontrata me përfaqësuesit e 19 kompanive.
Në mesin e 19 kompanive me të cilat sot janë nënshkruar kontrata janë etno fshati “Sunčana reka” nga Banja Kovilaça, agjencia turistike “Hedonic Travel” nga Beogradi, Kompania e sigurimeve Dunav, Lasta, Putevi Srbije, Air Srbija, Telekom, Gazeta zyrtare, Aman, Palestra e atletikës, Monument, farmacitë Dr Max dhe Benu, Sani optik, Autoshkolla Livija, Mercator S, Delphi, Kej Yachting Club dhe Srbijavoz.
Për pjesëmarrje në programin “karta studentore” aplikuan edhe institucioni i farmacisë Jankoviq, Panda US nga Beogradi, Cineplexx Srb, Cineplexx Panonija Novi Sad dhe Sport Vision.
Pas nënshkrimit të kontratës, ministri Mali tha se regjistrimi i studentëve për kartat e reja të studentit, të cilat përveç zbritjeve të shumta mund të përdoren edhe si kartela pagese, ka nisur më 13 nëntor dhe se deri më tani kanë aplikuar mbi 55 mijë studentë.
Ai theksoi se kartat do të mund të përdoren nga 1 dhjetori.
“Tjetër premtim që bëmë, e realizuam. Kemi nënshkruar marrëveshje me kompani që kanë shprehur dëshirën për të qenë pjesë e një projekti të ri të quajtur karta e studentit. Dua t’i falënderoj të gjithë sepse ata njohën dëshirën tonë për t’u dhënë studentëve dhe të rinjve tanë disa përfitime që do t’ua lehtësojnë studimin”, tha Mali.
Zëvendëskryeministri tha se studentët me këto kartela do të kenë 20 për qind zbritje në biletat e trenit “Srbijavoz”, 10 për qind në biletat e linjës ajrore “Air Serbia”, dy për qind në tarifat dhe se do të kenë 15. për qind zbritje në kinematë Cineplexx dhe zbritje do të ketë edhe në hipermarkete, supermarkete, institucione kulturore dhe objekte të tjera shërbimi dhe hotelerie.
“Ky është një përfitim i madh për studentët tanë. Kjo është edhe një mënyrë për t’u treguar atyre se sa i rëndësishëm është për ne ky kujdes ndaj tyre dhe për t’u treguar se po përmbushim një tjetër premtim që kemi dhënë”, tha ministrja.
Mali deklaroi se hapja dhe lëshimi i “kartelave të studentit” është plotësisht falas, si dhe mirëmbajtja e llogarisë, duke theksuar se banka “Poštanska štedionica”, e cila është partnere në këtë projekt, do t’u paguajë edhe 500 dinarë studentëve me rastin e hapjes së llogarisë.
Ministri ftoi studentët të aplikojnë për karta dhe kompani të tjera përgjegjëse t’i bashkohen këtij projekti.
“Projekti do të zgjasë për kohë të pacaktuar dhe nuk ka afat për aplikime. Prandaj, të gjithë studentët dhe kompanitë mund të aplikojnë në çdo kohë”, theksoi Mali.