Bujanoc, 24 prill 2024. Policia rrugore do të ndezë të gjitha kamerat, radarët dhe interceptorët në dispozicion në rrugët në mbarë Serbinë nga data 25 prill deri më 1 maj. Gjatë asaj periudhe zbatohet kontrolli i shtuar i trafikut dhe më 1 maj do të matet shpejtësia në vazhdimësi – 24 orë në ditë.
Për festat e ardhshme, Ministria e Punëve të Brendshme njofton kontrollin e alkoolit dhe substancave psikoaktive.

Në pesë vitet e fundit më shumë se 500 persona vriten çdo vit në trafik në rrugët në Serbi, ndërsa rreth 3000 pësojnë lëndime të rënda dhe 16000 lëndime të lehta, njoftoi MPB me rastin e “Javës për parandalimin e lëndimeve në komunikacion”.

Në të njëjtën kohë po mbahet aksioni ndërkombëtar ROADPOL. Për shkak të ditëve jopune për festat e ardhshme, pritet trafik më i dendur në rrugë, ndaj policia rrugore do të shtojë kontrollet në të gjitha rrugët më të shpeshta rrugore në vend.