Shkruan: N. Stevanoviq
Bujanoc, 11. qershor 2024. (Foto nga arkivi) – Kryetari i Partisë Demokratike të Shqiptarëve (PDSH) të Preshevës, Ragmi Mustafa, ka thënë se kryeministri i Kosovës Albin Kurti nuk do të mund të ndikojë në formimin e pushtetit lokal në Preshevë, edhe pse ka pasur ndikim në procesin zgjedhor.
Sipas ish-kryetarit të kësaj komune, ndikimi i Kurtit në elektoratin shqiptar në jug të Serbisë “ka qenë rreth 15 për qind”. Ai shtoi megjithatë se nëse provon diçka tjetër, “Kurtit do t’i hasë sharra në gozhdë”.
Kurti para zgjedhjeve lokale në Preshevë dhe Bujanoc ka përkrahur kandidatët e Partisë për Veprim Demokratik (PVD), e cila ka dhënë fryte në Preshevë, ndërsa partia e Kamberit ka dështuar në Bujanoc.
Ragmi Mustafa
“Koha e deklaratave të mbështetjes për PVD-në ka mbaruar”. Misioni i tij ka përfunduar. Nuk mund të ketë ndërhyrje të tjera. Shqiptarët në Preshevë do të zgjedhin qeverinë, asnjë ndërhyrje e Kurtit në politikë dhe ndërtimi i institucioneve shqiptare në Preshevë nuk do të jetë i pranueshëm”, tha Mustafa të hënën në emisionin “Interaktiv” në KTV.
Sipas rezultateve preliminare, PDSH e Mustafës fitoi 3009 vota (20,8 për qind) në zgjedhjet në Preshevë, pas PVD-së me 4019 vota (27,8).
Mustafa theksoi se partia e tij do të jetë pjesë e koalicionit qeverisës “sepse pa PDSH nuk ka partneritet koalicioni”. Partia e tij ka 8 këshilltarë në kuvendin lokal me 38 ulëse.
Ai theksoi se PDSH-ja dhe partitë e tjera javën e ardhshme do të fillojnë bisedimet për formimin e koalicionit qeverisës. Ai tha se pret që zgjedhjet të sjellin një kuvend stabil “dhe se do të jetë në interes të popullit të Preshevës, si politikisht ashtu edhe ekonomikisht”.
Në mbledhjen e re të Kuvendit të Preshevës, serbët do të përfaqësohen vetëm me një këshilltar nga lista e SNS-së. Në përbërjen e fundit progresistët kishin dy këshilltarë.