Bujanoc, 28. dhjetor 2023. – Të premten (29 dhjetor) në sheshin e Bujanocit do të promovohet loja e parë sociale dygjuhëshe “Intercool Memori(j)e”. Manifestimi fillon në ora 12:00, ndërsa pjesëmarrës janë nxënës të shkollave fillore nga Bujanoci dhe organizator është Grupi 484.
“Ejani në eventin ku të rinjtë së bashku me bashkëqytetarët do të luajnë lojën ndërkulturore të dizajnuar prej tyre. Vizitorët do të jenë në gjendje të praktikojnë kujtesën, të luajnë tetë figura – ku mund të gjeni fjalët më të bukura dhe më të zakonshme në gjuhën serbe dhe shqipe, fjalë takimi dhe shije dhe ku mund të mësoni diçka të re”, ftojnë organizatorët.
Siç thonë ata, memoria Intercool mund të përdoret kudo: në kafene, në shkollë, në pushime, në shesh dhe qëllimi është të tregohet se gjuha nuk është pengesë për lojën e përbashkët, mësimin dhe shoqërimin e të rinjve të mjediseve multikulturore.
Loja është projektuar nga imagjinata e filloristëve të Bujanocit në bashkëpunim me ekipin e Grupit 484.
“Dëshirojmë të festojmë frymën e solidaritetit, diversitetit dhe kreativitetit të premten, më 29 dhjetor, nga ora 12:00 deri në 14:00, në sheshin e Bujanocit”, thonë organizatorët.