fbpx

SIMBOLI I BUJANOCIT VENDOSET PËRBALLË KOMUNËS

Bujanoc, 7. maj 2022. – Simboli i Bujanocit së shpejti do të vendoset në sipërfaqen me bar të sheshit të qytetit përballë ndërtesës së komunës, ku të premten u vendos themeli mbi të cilin do të vendoset.

Të hënën, më 9 maj, në Ditën botërore të fitores mbi fashizmin, edhe Bujanoci shënon Ditën e Komunës, ndaj pritet që instalacioni të vendoset pikërisht në këtë ditë.

Foto: Themeli tashmë është hedhur

Siç ka njoftuar edhe më herët Bujanovaçke, vendin qendror në simbolin e propozuar “I love Bujanoc” në anglisht e zë shkronja B në formë zemre, e cila gjendet në mes të shkronjave “I” dhe “u”.

Me këtë është menduar të shprehet dashuria për qytetin.

“Dëshiroja që simboli të ishte neutral dhe i pranuar nga të gjithë qytetarët që jetojnë këtu, pavarësisht kombit të cilit i përkasin”, tha për portalin tonë autori i simbolit Nagip Tashi.

Për shkak të multietnicitetit të qytetit, thotë ai, simboli në fakt përfaqëson një dëshirë për të kultivuar përbashkësinë dhe unitetin.

– E kuqja është ngjyra e dashurisë, e bardha është ngjyra e paqes dhe ky është mesazhi që me këtë simbol i dërgojmë të gjithë qytetarëve tanë, por edhe njerëzve që vijnë në qytetin tonë.




Leave a Reply

Your email address will not be published.