Bujanoc, 6. shkurt 2024. – Sot do të mbahet seanca e parë e përbërjes së re të Kuvendit të Serbisë dhe e para nga gjashtë pikat e propozuara në rend dite është konfirmimi i mandatit të deputetëve.

Në përbërjen e re janë 10 lista zgjedhore, pesë prej të cilave janë minoritare, ndërsa në mesin e deputetëve është edhe Shaip Kamberi nga Bujanoci nga lista “Beteja politike e shqiptarëve vazhdon”.

Partia Progresive Serbe me partnerë koalicioni në listën e përbashkët ka një shumicë bindëse. Opozita Serbia kundër dhunës, e cila pretendon se zgjedhjet janë të parregullta, ka paralajmëruar pengesa, transmeton N1.

Autoritetet thonë se kjo mbledhje do ta çojë mandatin deri në fund – plot katër vjet.

Nuk ka pasur konsultime qeveritare me partitë parlamentare para seancës së parë.

Proceduralisht, ditën e parë konfirmohen mandatet e deputetëve që do të zgjedhin presidentin, nënkryetarin, sekretarin e përgjithshëm të parlamentit, si dhe trupat punues dhe delegacionet parlamentare.

Seanca nuk do të drejtohet nga Nada Matsura, siç ishte paralajmëruar më herët, pasi siç sqaroi ajo, kolegu i saj partiak Stojan Radenoviq është më i vjetër në përbërjen e re. Ai do të jetë në shoqërinë e kolegëve të tij më të rinj, ndër të cilët është edhe Marko Millosheviq nga SPS, nipi i Sllobodan Millosheviqit.