Shkruan: N. Stevanoviq
Bujanoc, 2.korrik 2024. Deputeti nga Vranja, Sllobodan Petroviq, ka thënë për Bujanovaçke se do të kërkojë zyrtarisht që Komisioni për Mbrojtjen e Mjedisit të Kuvendit të Serbisë të mbajë seancën e tij në Bujanoc e jo në Beograd. Ai thotë se për këtë ka mundësi ligjore dhe vendimin përfundimtar e merr kryetarja e Kuvendit. Në këtë mënyrë, beson Petroviq, vëmendja e publikut të gjerë do të tërhiqej për gjendjen katastrofike ekologjike në Bujanoc, e cila shkaktohet nga zjarret pothuajse të përditshme në deponinë e qytetit.
– Edhe Beogradi duhet të dëgjojë se ka njerëz që jetojnë në jug të Serbisë që kanë probleme të mëdha për shkak të deponisë në Bujanoc. Dhe ata njerëz kanë të drejtë për ajër të pastër – thotë deputeti i partisë opozitare Qendra e Serbisë (SRCE).
Petroviq është i vetmi deputet nga jugu që foli gjatë zjarrit të fundit në deponi dhe e dërgoi pyetjen parlamentare në ministrinë kompetente.
Sipas tij, nuk mjaftojnë njoftimet se problemi me deponinë e qytetit në Bujanoc do të zgjidhet në vitin 2026 me zgjerimin e deponisë rajonale Meteris në Vranjë, sepse duhet të mbijetohet në tym toksik për dy vjet.
Ministrja për Mbrojtjen e Mjedisit, Irena Vujoviq, ka afat ligjor prej një muaji për t’iu përgjigjur pyetjes së deputetit.