Shkruan: N. Stevanoviq
Bujanoc, 18 shtator 2024. – Ndryshimi i plotë i pushtetit në Komunën e Bujanocit do të bëhet vetëm kur shumica e re qeverisëse të emërojë stafin e saj në pozitat e drejtuese në Administratën komunale. As kreu i ri i Administratës Komunale, Selami Mustafa, nuk e di se kur do të ndodhë kjo.
Ai u emërua një muaj më parë ndërsa prej atëherë është i pari i kryeshefëve të emëruar nga qeverisja e mëparshme.
Të mërkurën, Mustafa i tha Bujanovaçkes se për ndryshimin e kryeshefëve është i nevojshëm edhe ndryshimi i
Rregullores mbi sistematizimin e vendeve të punës, për të cilën nuk e di se kur do të bëhet. Sistematizimi i ndryshuar duhet të miratohet nga Këshilli komunal.
Përndryshe, janë nëntë pozicione kryesore. Partitë që janë tani në pushtet nuk dolën publikisht me kandidatët e tyre për drejtoritë komunale.
E vetmja gjë e sigurt është se Boban Pavlloviq do të mbetet në krye të Departamentit të financave, të cilin e drejton që nga viti 2010. Që atëherë, qeveria ka ndryshuar katër herë, por Pavlloviq e mbajti postin e tij. Në zgjedhjet e qershorit ai fitoi mandatin e këshilltarit në listën “Aleksandar Vuçiq-Bujanoci nesër”, por tashmë ka dhënë dorëheqje.
Sipas informacioneve jozyrtare, postin e saj do ta mbajë edhe Fazila Azemoviq, një nga bashkëpunëtoret më të afërta të ish-kryetarit të komunës, Nagip Arifij. Ajo drejton Departamentin për Investime dhe Zhvillim.
Sipas marrëveshjes së koalicionit koalicionit rreth SNS, do t’i takoj pozita e zëvendëskryeshefit të Administratës komunale, departamenti i financave, zhvillimit ekonomik lokal, si dhe drejtoratit për kulturë, informim dhe sport (departamenti i ri).
GQ Dr. Dejan Stojanoviq iu dha pozita e kryeshefit të Administratës tatimore lokale, Ekonomisë dhe Bujqësisë, si dhe pozita e shefit të shërbimit të përkthimit.
Siç na thanë në SPP Rome, anëtare e koalicionit qeverisës, nga stafi i kësaj partie do ta udhëhiqet Departamenti për çështje të inspektimit. Kryeshef i departamentit, shtuan ata, nuk do të jetë Ibro Idiq.
Pozicionet e tjera i përkasin Frontit shqiptar për Ndryshim.
