Shkruan: D. Stoshiq

Bujanoc, 1. mars 2022. Qytetarët e Bujanocit së shpejti do të bëhen me simbol me emrin e qytetit, i cili sipas njoftimeve do të vendoset në sheshin e qytetit.

Trendit të vendosjes së emrave dekorativë të qyteteve i është bashkuar edhe Bujanoci, i cili sipas Nagip Tashit nga Tërnoci, iniciator i idesë, simboli do të vendoset në sheshin e qytetit, për të cilin është dakorduar edhe Administrata komunale.

– Shkronja B në formën e një zemre zë një vend qendror në simbolin e propozuar të emrit të qytetit. Është krijuar për të treguar dashurinë për qytetin. Ajo që ishte si dëshirë përkonte me atë se simboli të ishte neutral dhe i pranuar nga të gjithë qytetarët që jetojnë këtu, pavarësisht përkatësive kombëtare – tha Tashi për portalin tonë.

Për shkak të multietnicitetit të qytetit, thotë ai, simboli në fakt përfaqëson një dëshirë për të ushqyer përbashkësinë dhe unitetin.

“E kuqja është më e mirë se dashuria, e bardha është ngjyra e paqes dhe ky është mesazhi që me këtë simbol ua dërgojmë të gjithë qytetarëve tanë, por edhe njerëzve që do ta vizitojnë Bujanocin në të ardhmen”, ka shtuar ai.

Nga nisma në realizimin e saj ka kaluar më shumë se një vit dhe pas propozimeve të shumta, vëmendjen më të madhe të publikut e ka tërhequr modeli i simbolit të Agon Ademit, ekonomist dhe mësues i gjuhës angleze që jeton dhe punon jashtë vendit.

Nagip Tashi, punonjës 50 vjeçar në Shtëpinë e kulturës në Bujanoc dhe iniciator i këtij projekti, është artdashës i madh. Kohën e lirë e kalon duke bërë mozaikë prej druri, ndërsa së fundmi ka pasur një ekspozitë në Prishtinë ku ka prezantuar punimet e tij.