Shkruan: N. Stevanoviq
Bujanoc, 3 shtator 2024. – Ende po punohet në pajisjen dhe përgatitjen e hapësirës për dy grupe të reja për fëmijët shqiptarë që do të hapë Enti parashkollor “Gëzimi ynë”, në hapësirat e Shtëpisë së kulturës në Bujanoc, tha të martën për portalin tonë drejtori i këtij enti Millovan Aleksiq. Siç tha ai, pret që hapësirat në Shtëpinë e Kulturës të fillojnë punën në një kohë sa më të shkurtër.
– Është e nevojshme të plotësohen të gjitha kushtet dhe standardet. Ne patëm një vizitë nga një inspektor sanitar i cili dha udhëzime, pra një propozim për masat që duhet të ndjekim. Bëhet fjalë, natyrisht, për rregullimin e zonës sanitare dhe gjithçka tjetër.
Hapja e grupeve për fëmijët shqiptarë, me kërkesë të përfaqësuesve politikë të komunitetit shqiptar, është paralajmëruar në prill të këtij viti, për të cilën ka shkruar Bujanovaçke.
– Deri tani është bërë shumë. Institucioni ynë ka siguruar mobiljet. Nga themeluesi – vetëqeverisja lokale kemi marrë miratimin për punësimin e punëtorëve të rinj. Pra, ai proces po merr rrjedhën e vet – thotë Aleksiq.
Ai paralajmëroi gjithashtu hapjen e një grupi miks të moshave të ndryshme në fshatin Klenikë.
Ai tha gjithashtu se lista e pritjes për përdoruesit më të vegjël të kopshteve (grupet e çerdheve) është zvogëluar pjesërisht.
Bujanovaçke ka shkruar se kopshti për herë të parë këtë vit ka shpallur konkurs për pranimin e fëmijëve.