Bujanoc 26. tetor 2023. Presidenti serb Aleksandar Vuçiq ka konfirmuar se zgjedhjet do të mbahen më 17 dhjetor. Siç shtoi ai, bëhet fjalë për zgjedhje parlamentare, krahinore dhe lokale.
– Do t’i shpall javën e ardhshme. E kam fjalën për zgjedhjet parlamentare për të cilat kam mandatin e shpalljes. Në propozimin e arsyetuar të qeverisë dhe mënyrën se si ecën procedura kushtetuese në përputhje me ligjin për Presidentin e Republikës – tha Vuçiq për RTS.

Ai shtoi se para kësaj, kryetari i Kuvendit Popullor do t’i shpallë zgjedhjet lokale në pak më shumë se 60 komuna në territorin e Serbisë, e më pas do t’i shpallë edhe zgjedhje krahinore. Të gjitha do të zhvillohen më 17 dhjetor.