Bujanoc, 15. janar 2024. – Një banor i fshatit Zhunicë, afër Preshevës, është befasuar kur ka gjetur 2 pistoleta, 9 dokumente udhëtimi të huaja, si dhe një sasi të caktuar marihuanë dhe heroinë në objektin e tij ndihmës që përdorej për ruajtjen e sanës. Menjëherë në vendngjarje ka shkuar njësiti intervenues i policisë lokale.

Jozyrtarisht, policia ka hasur në pronarin, i cili ka deklaruar se pak para se të denoncohej, bashkë me fqinjin e tij po merrnin denga me sanë nga tavani i objektit komunal, kur konstatuan disa objekte në këndin e majtë të tavanit.

Kur u afruan, zbuluan se dorezat përmbanin 2 pistoleta të një marke të panjohur, një kuti kartoni në të cilën kishte një lëndë pluhuri të bardhë në një qese transparente, një qese tjetër transparente në të cilën kishte një substancë bimore të tharë të gjelbër dhe disa pasaporta të huaja

Pas hetimeve, nga të dyja armët janë marrë shtupa, si dhe nga materiali pluhur, gjegjësisht bimor, ndërsa gjurmët nga dokumentet e udhëtimit do të merren më vonë.

Për ngjarjen u njoftua PTHB Vranjë, e cila urdhëroi ekspertizën e armëve, narkotikëve dhe dokumenteve të udhëtimit dhe nisjen e hetimeve ndaj autorëve të panjohur.