Shkruan: N. Stevanoviq
Bujanoc, 13. shkurt 2024. – Kreu i Partisë Progresive Serbe (SNS) në Bujanoc, Nenad Mitroviq, sot u ka dërguar një ftesë publike të gjithë politikanëve, partive, grupeve qytetare dhe shoqatave serbe në një takim për të diskutuar për listën e unifikuar serbe për zgjedhjet e ardhshme lokale në Bujanoc. Takimi është caktuar për të hënën (19 shkurt) nga ora 17:00 në sallën e vogël të Shtëpisë së Kulturës.

Takimi, siç ka theksuar ai, është iniciuar nga ai dhe shefi i grupit të dytë të këshilltarëve serbë në Kuvendin e Bujanocit, Stojança Arsiq.

Shtëpia e Kulturës u zgjodh si terren “neutral”, siç thotë ai, për të bërë të qartë që në fillim se nuk janë prioritet partitë dhe se kushdo që ka ndërmend të marrë pjesë në zgjedhje konsiderohet i ftuar.

– Mendoj se kjo lloj ftese publike është më e përshtatshmja, për të mos anashkaluar dikë , sepse vërtet nuk e di se kush ka në plan të marrë pjesë në zgjedhje, kështu ne i ftojmë absolutisht të gjithë ata që kanë ndërmend të vijnë dhe të bisedojnë – thotë Mitroviq.

Ai më herët kishte paralajmëruar se një thirrje të tillë do ta bënte së bashku me Stojança Arsiqin, duke theksuar qëllimin që serbët të ruajnë 13 ulëse në Kuvendin komunal, ndoshta edhe ta rrisin atë numër dhe e vetmja mënyrë për ta bërë këtë është një performancë e unifikuar e të gjitha opsioneve serbe.

Kryetari i Këshillit lokal të Lëvizjes Popullore të Serbisë në Bujanoc, Sasha Arsiq, menjëherë hodhi poshtë mundësinë e paraqitjes së përbashkët me përparimtarët.