Bujanoc, 4. maj 2023. Sindikatat e punonjësve arsimor do të ndërpresin mësimin – të premten e 5 majit për shkak të tragjedisë së djeshme, por punonjësit do të jenë në shkolla. Anëtarët e Sindikatës së punëtorëve të arsimit të Serbisë dhe Sindikatës së punëtorëve të arsimit do të dalin në grevë të premten në orën tetë. Këtë e ka konfirmuar për portalin tonë Nenad Tasiq, drejtor i shkollës fillore “Branko Radiçeviq” në Bujanoc.
– Në shkollë kemi tre sindikata, ndërsa për nesër dy kanë paralajmëruar grevë, Sindikata e Pavarur dhe Unionistët. Nuk mund të them asgjë saktësisht se si do të zhvillohet nesër, ne do të ndjekim rekomandimet e Ministrisë, do të mbajmë një takim dhe do të marrim rekomandimet e duhura për gjithçka – tha Tasiq për portalin tonë.
Sot mësimi në shkollat e Bujanocit po zhvillohet si zakonisht, me faktin se ora e parë fillon me një minutë heshtje.
– Sot mësimi do të zhvillohen normalisht, kemi marrë udhëzime nga ministria se si të bisedojmë me fëmijët, dhe gjithçka që marrim ua përcjellim të gjithë mësuesve dhe kudjestarëve të klasave, që të gjithë të jenë të informuar – shton Tasiq.
“Të gjithë anëtarët e punësuar të Sindikatës së Arsimit të Serbisë do të ndërpresin punën të premten më 5 maj, punëtorët atë ditë do të jenë në shkolla, por nuk do të mbajnë mësim”, thuhet në komunikatën e Sindikatës.
Siç thuhet në njoftim nga sindikatat, pas konsultimeve me punonjësit e arsimit do të merren vendime dhe publiku do të njoftohet me kohë për to.
“Ju ftojmë të kuptoni se shkollat nuk do të jenë të hapura atë ditë. Jemi memec përballë aktit që na detyroi të mbyllim shkollat. Gjithçka që bëjmë dhe do të bëjmë është me qëllimin më të mirë për t’i bërë shkollat një vend të sigurt për edukimin dhe arsimin e të gjithë fëmijëve tanë”, thuhet në kumtesë.