Bujanoc, 6. shtator 2023. Me rastin e ngjarjeve në Kuvendin e Serbisë, me një kumtesë Këshilli lokal i Partisë përparimtare serbe në Bujanoc, ka reaguar sot duke dënuar, siç thuhet në njoftim, përpjekjen e paturpshme të opozitës për të bllokuar punën e Kuvendit.
– Përfaqësuesit e opozitës sot treguan fytyrën e vjetër të mungesës së kulturës dhe mosrespektimit të institucioneve të Republikës së Serbisë. Zhurma, fishkëllimat dhe pengimi i punës së Kuvendit të Republikës së Serbisë, krahas bllokimit të rrugëve dhe urave, është një mënyrë tjetër e maltretimit të qytetarëve të Serbisë dhe bllokimit të punës së institucioneve të zgjedhura ligjërisht nga qytetarët e Republikës së Serbisë, thonë përparimtarët e Bujanocit.
Seanca e Kuvendit të Serbisë përfundoi sot pasi u miratuan më shumë se 20 pika të rendit të ditës, duke përfshirë edhe rishikimin e buxhetit për vitin 2023. Deputetët e opozitës ndërprenë sërish punën duke u rënë bilbilave dhe vuvuzelave.
-Kur në rendin e ditës së Kuvendit është rritja e pagave dhe pensioneve, ndarja për trajtimin e sëmundjeve të rralla dhe mjekimi jashtë vendit, përfaqësuesit e opozitës nuk mendojnë për mirëqenien e qytetarëve, pensionistëve, edukatorëve, nënave të fëmijëve që duhet të përfitojnë kompensim financiar, por vetëm për interesat e tyre personale – thuhet në njoftimin e SNS Bujanoc.
Ata thanë se rishikimi i buxhetit do të miratohet dhe se shteti do t’i përmbushë të gjitha premtimet dhe obligimet ndaj qytetarëve, sado paturpësisht të përpiqen ta pengojnë punën normale të Kuvendit dhe jetën normale të qytetarëve.