Shkruan: N. Stevanoviq
Bujanoc, 27. shtator 2023. – Në Shtëpinë e Kulturës së Bujanocit të premten (29 shtator) nga ora 18:00 do të shfaqet filmi shqiptar “Një histori nga e kaluara” (“Përrallë nga e kaluara”), i cili përshkruan jetën e ortodoksëve në Shqipëri. Megjithatë, këtë vepër do të mund ta ndjekin vetëm ata që e njohin gjuhën shqipe (Filmin mund ta shihni në fund të këtij teksti).
Sipas informacioneve nga interneti, filmi i zhanrit të komedisë, tregon historinë e martesës mes Gjinit – katërmbëdhjetëvjeçar dhe Marigojës, e cila është dy herë më e madhe.
Filmi është bazuar në veprën me të njëjtin titull të autorit Andon Zako Çajupi dhe është filmuar në vitin 1987.
Konsiderohet si një pjesë klasike e kinematografisë shqiptare dhe është e njohur në kulturën shqiptare.
Edhe pse për shkak të gjithçkaje që karakterizon filmin, ai mund të jetë interesant për një audiencë që nuk flet gjuhën shqipe, nuk ofrohet përkthim apo titra.
Drejtori i Shtëpis së kulturës, Jetmir Ismaili, thotë se fajtori për këtë nuk duhet kërkuar tek ky institucion.
– E pyeta nëse kishte titra dhe mora përgjigjen që fatkeqësisht nuk ka dhe nuk mund të sigurohet më vonë – thotë drejtori.
Shfaqja e filmit u mbështet nga Komuna e Bujanocit.