Bujanoc, 11. mars 2024. Gjatë fundjavës, Banka “Poštanska štedionica” ngriti objekte të parafabrikuara pranë vendkalimeve administrative në Kosovë, si dhe në dalje të Konçulit, afër Bujanocit. Kjo bankë hapi edhe objektet e saj pranë Jarinjit, Bërnjakut dhe Merdarës.
Siç shkruan portali Kossev, këto objekte janë krijuar për të lehtësuar pagesën e të ardhurave për serbët në Kosovë, ku përdorimi i dinarëve është i ndaluar.
Degët e sapokrijuara nisin punën nga sot. Ato do të jenë të hapura çdo ditë pune, ndërsa të shtunave nga ora 9:00 deri në orën 19:00, njoftoi Zyra për Kosovë.
Në ekspoziturat e reja në parafabrikate, qytetarët do të mund të kryejnë të gjitha aktivitetet bankare, të cilat normalisht i kryejnë rregullisht në të gjitha degët e tjera. Ata shtojnë se dy punonjës të bankës të punësuar do të jenë gjithmonë në dispozicion.
“Në këto ekspozitura do të kryhen pagesa të pagave, pensioneve, pagesave në llogaritë në dinarë dhe valutë, transaksione të këmbimit, autorizime të llogarive, si dhe të gjitha transaksionet tjera bankare.
Çdo objekt është i pajisur edhe me një bankomat të Bankës “Poštanska Štedionica” për tërheqjen e mjeteve nga llogaritë e dinarit, i cili do të jetë në dispozicion të qytetarëve 24 orë në ditë, gjatë tërë javës.
Krahas ekspoziturave të parafabrikuara, banka në këto lokacione ka ngritur edhe dy ekspozitura të lëvizshme me rrota, të cilat, siç theksojnë, do të jenë në përputhje me nevojat e qytetarëve.
Ekspoziturat e parafabrikuara janë ngritur në lokacionet më të afërta të mundshme nga vendkalimi me Kosovën.
“Duke pasur parasysh se kjo ishte një zgjidhje e tillë teknike ishte e vetmja e realizueshme në rrethanat e dhëna”, shtoi Zyra.
Nga ana tjetër, ata i konsiderojnë ekspoziturat e parafabrikuara si një “zgjidhje të përkohshme”, pra “derisa të gjendet një zgjidhje për funksionimin normal të transaksioneve të pagesave”.